Պլազմոթերապիա. ծերացման կանխարգելում
Պլազմոլիֆթինգ
Պլազմոլիֆթինգն օրգանիզմի վերականգնման գաղտնի ռեսուրսների խթանումն է սեփական (աուտոլոգիական) արյան պլազմայի ներարկման միջոցով: Այն ներարկումային ամենաանվտանգ մեթոդներից է, որը կիրառվում է մասնագետների կողմից: Սեփական արյունը չի կարող առաջացնել ալերգիա, բացառում է հակազդեցությունները, հաճախորդին վարակելու հնարավորությունը, չունի տարիքային և սեռային սահմանափակումներ:
Պլազմոլիֆթինգը համեմատաբար քիչ հակացուցումներ ունի: Բացի դրանից, այն ներդաշնակորեն համադրվում է բուժման ցանկացած այլ մեթոդի հետ:
Ինչպիսի խնդիրներ է լուծում
- կանխարգելում է ծերացումը
- վերականգնողական թերապիա (արևի տակ հայտնվելուց հետո, ագրեսիվ կոսմոտոլոգիական պրոցեդուրաներից, պլաստիկ վիրահատություններից հետո)
- սթրեսի ազդեցությունը կրող մաշկ (բնակություն մեգապոլիսում, խրոնիկ սթրեսներ, վնասակար սովորություններ, գիշերային կենսակերպ, որոշ դեղամիջոցների ընդունում, իմունիտետի անկում)
- դիետաներից, ծոմապահությունից, կտրուկ նիհարեցումից հետո մաշկի կախվածություն
- անհամաչափ պիգմենտացիա
- մաշկի չորություն
- ակնե և հետակնե
- մազաթափություն
- մազերի որակի վատացում
Պլազմոլիֆթինգը հակացուցված է հետևյալ իրավիճակներում
- ներքին օրգանների խրոնիկական հիվանդություններ, որոնք հանգեցնում են այդ օրգանների ֆունկցիաների խանգարման
- իմունային համակարգի հիվանդություններ
- շաքարային դիաբետի ծանր ձևեր
- արյան մակարդելիության խախտումներ և անտիկոագուլյանտների (հակամակարդիչների) ընդունում
- խրոնիկ հիվանդությունների սրացումներ
- ցանկացած ստադիայում գտնվող ինֆեկցիոն հիվանդություններ
- հոգեկան հիվանդություններ
- հղիություն, կրծքով կերակրում
- բուժման ենթակա մաշկի վրա բորբոքային երևույթներ
Պլազմոթերապիան ակտիվ, սակայն միևնույն ժամանակ նուրբ և անվնաս բուժման եղանակ է, որի կիրառումը տալիս է արտահայտված արդյունք:Դա բարելավվում է մաշկի վիճակը, նեղացնում է ծակոտիները: Մաշկը դառնում է էլաստիկ, փայլուն և էներգիայով լեցուն: Լավագույն արդյունքի հասնելու համար խորհուրդ է տրվում միջամտությունը կատարել շաբաթը մեկ անգամ. կուրսի տևողությունը 4-6 շաբաթ:
ՊԼԱԶՄՈԳԵԼ
Պլազմոգելը մարդու սեփական պլազմայից պատրաստված գելն է, որն օգտագործվում է որպես ֆիլլեր: Պլազմայի մշակումը կատարվում է ջերմային մշակման եղանակով: Ստացված նյութը հարուստ է ամինաթթուներով, սպիտակուցներով:
Նոր տեխնոլոգիայի կիրառման շնորհիվ մասնագետներին հաջողվում է արյան պլազման վերածել գելի՝ առանց ավելորդ բաղադրիչների ավելացման: Պլազմոգելն ունի բավական բարձր ճկունություն և մոդելավորող հատկություն:
Մշակման առանձնահատկությունների շնորհիվ գելը կարելի է ստանալ ցանկացած խտության և ծավալի, որը հնարավորություն է տալիս մոդելավորել բավական մեծ հատված:
Ինչպիսի խնդիրներ է լուծում
- քիթարտասվային ակոսի շտկում
- քթաշուրթային հատվածի կնճիռների ուղղում
- շրթունքի ձևի և ծավալի ուղղում
- կզակի շտկում
- դեմքի փոփոխության և որվագծի անհարթությունների շտկում
- վզի և կրծքի շրջանում խորը կնճիռների հարթեցում
Ինչպես ցանկացած պրոցեդուրա, պլազմոգելի օգտագործումը որոշ հակացուցումներ ունի
- շաքային դիաբետ
- հղիություն և կրծքով կերակրում
- արյան անմակարդելիություն
- պրեպարատի ներարկման հատվածներում ցանավորում
Այլ ֆիլլերների համեմատությամբ պլազմոգելի առավերությունը կայանում է նրանում, որ նրա հիմքում սեփական պլազման է: Այդ է պատճառը, որ ալերգիաները բացառվում են:
Ծառայություններ
