Ախտորոշիչ լաբորատորիա

Ճշգրտություն, արագություն, հուսալիություն

     Ճշգրիտ և ժամանակակից սարքավորումներով հագեցած "ՀԵԼԻՈՍ” ախտորոշիչ լաբորատորիան առաջարկում է իր ծառայությունների շարքը արյունաբանական, ընդհանուր կլինիկական, կենսաքիմիական, իմունոլոգիական հետազոտությունների շրջանակներում, որտեղ Ձեզ կսպասարկեն բարեհամբույր և փորձառու մասնագետները:

     Հետազոտություններն իրականացվում են համաշխարհային ճանաչում ունեցող Sysmex XS 500i (Ճապոնիա), Micros (Ավստրիա), Urisys 1100 (Roshe), Cobas e 411 Hitachi (Roche), Cobas c 111 (Roche), ST-art 4 (Stago, Ֆրանսիա), Statfax 3200 Awareness Technology (ԱՄՆ) սարքավորումներով:

    Կենտրոնում գործում է "Տնային այց" ծառայությունը: Դուք հեռախոսազանգով ամրագրում եք օր և ժամ և նշված հասցեով Ձեզ կմոտենա տնային սպասարկման բուժքույրը: Նախքան լաբորատոր հետազոտություններ կատարելը, անհրաժեշտ է պահպանել որոշ նորմեր՝

1. հետազոտության համար պացիենտից արյունը վերցվում է հիմնականում առավոտյան՝ անոթի վիճակում:

2. խորհուրդ չի տրվում կատարել հետազոտություն ֆիզիկական ծանրաբեռնվածությունից, ֆիզիոթերապևտիկ միջամտություններից, ռենտգենոլոգիական հետազոտություններից, ինչպես նաև դեղորայքի պարէնտերալ ներմուծումից հետո:

     Խորհուրդ է տրվում կանխարգելիչ նպատակով տարին 2 անգամ կատարել արյան և մեզի ընդհանուր կլինիկական հետազոտություններ:

Գնացուցակին ծանոթանալու համար սեղմել այստեղ